(ВИДЕО) Пауновски: Лимони има, граѓаните да не паничат, а трговците на големо и мало да не манипулираат со цените

Од:

Граѓаните да не креваат паника, зашто лимони и друго јужно овојше има, а трговците на големо и на мало да не се обидуваат да прават манипулации со цените. Да ја почитуваат договорената маржа од 10, односно 15 проценти, порача денеска директорот на Државниот пазарен инспекторат, Стојко Пауновски.

Тој напомена дека цената на лимоните треба да изнесува 70 до 110 денари, како што била до 11 март. Граѓаните, пак, кога пријавуваат, треба да бидат конкретни, да кажат точно за кој продажен објект се работи, на која улица и број. За тоа, потенцира Пауновски, служи бројот 191.

-Цената на лимоните е намалена кај сите малопродажни обејтки по контролите до петокот. Проблем имаме со увозниците, со трговците на големо. Контролите се во тек, двајца се веќе казнети. Имаме зголемување на увознта цена. Големотрговците кои се, за жал, само четворица, да знаат дека секое непочитување на владината одлука ќе значи нови, поригорозни мерки. Затоа, апел до нив да ја почитуваат одлуката и највисоката маржа да биде единствена, 10 отсто, како што е утврдено. Да не прават манипулации. Пиљарите, пак, да не се обидуваат да стават цена поголема од онаа со маржа 15 проценти, истакна Пауновски.

Во таков случај, нагласи, инспекторите ќе мора да почнат да казнуваат, а тоа никому не оди во прилог, ниту на граѓаните, ниту на државата.

-И досега има преку 100 пријави до судот, но граѓаните од тоа немаат корист. Затоа апелот е да се почитуваат одлуките за безболно да ја поминеме кризата, напомена директорот на Инспекторатот.

Би можело да ве интересира

Преземени мерки да се изолира првиот забележан случај на Ковид-19 во Кичево

А1он

Студентите од штипскиот универзитет: Има сериозна бројка на заболени, не сакаме испитите да се полагаат со физичко присуство

Шестмина од денешните позитивни на Ковид-19 се од Сарај

Мери Јордановска

Петровска до Чулев: Началниците назначени од тебе саркастично кажуваа дека полицајците немале метро за да измерат растојание

Кристијан Ландов

(ВИДЕО) Во Кочани и Штип два дена по ред се одржувале протести, толпа граѓани марширале низ улиците

Кристијан Ландов

Чулев: Одлуките на Владата за мерките се носени низ призма на политика

А1он