И во Скопје има згради „клацкалици“ кои и на прв поглед се гледа дека не би биле отпорни на силен земјотрес, вели во видео интервјуто за А1он, Михаил Гаревски, поранешен директор на Институт за земјотресно инженерство и инженерска сеизмологија – Скопје (ИЗИИС).
Во Македонија има строг закон, има и контроли, но сепак има згради кои се во поголем ризик од евентуален земјотрес.
Гаревски детално во интервјуто говори за тоа кои згради во Скопје се во поголем ризик. Ги споменува и објаснува кои се тоа згради со меко приземје, таканаречените блок згради, зградите кои се постари во Скопје, а кои би можеле да се во поголем ризик од останатите.
Има ли начин обичните луѓе сами да дознаат во каков објект живеат и дали се безбедни, што да бараат од инвеститорите при купување на стан, на што да обрнат внимание? – Одговори на овие прашања во во видео интервјуто на Гаревски.