Од вчера во ГОБ „8 септември“ ставен е во функција хелиодромот кој се наоѓа на само неколку метри од главниот влез на болницата.
Според информации од болницата, директорот Христијан Костов е во интензивни преговори и за набавка на целосно опремен хеликоптер за потребите на болницата со кој за најмногу 30 минути ќе може да се транспортира пациент од било кој крај на земјата.
-За само половина час може да биде транспортиран пациент до нашата установа од било кој крај на земјата, а за тој период ќе му биде пружена соодветната помош и интервенција доколку тоа е неопходно, вели Костов.
Градската општа болница 8 септември ќе биде првата државна медицинска установа со сопствен медикоптер и хелиодром. До сега хелиодром поседуваше само Клиничкиот центар, но без сопствен хеликоптер за транспорт на пациенти.
Виктор Јованов