Туристите и овој викенд го запоседнаа охридското крајбрежје, на плажите буквално не може да се најде слободно место за пешкир или лежалка.
Големата побарувачка на плажите Градиште 1, 2 и 3, направи угостителите однапред да бараат капар од гостите кои сакаат да добијат маса во нивниот локал.
Доколку некој сака да добие маса во некој од локалите низ Градиште, потребно е однапред да плати од две до четири илјади денари, како гаранција дека ќе потроши минимум толку за време на седењето во локалот.
Онаму каде што нема лежалки, односно на почетокот од Градиште, сите кои имаат кампови поставуваат свои маси и носат фрижидерчиња со храна и се гоштеваат.
Лежалки се поставени дури и на брегот каде што е забрането, бидејќи се смета за слободен простор на кој може да се поставуваат пешкири без да се наплати.
Зголемениот број на новозаразени од Ковид-19, кој деновиве зема залет не ги колеба домашните гости да бидат дел од гужвите каде не се држи потребното растојание кое е потребно за да спречи ширењето на вирусот.