(ВИДЕО) Офанзива на новата директорка Петровска: Блиску сме да откриеме кој го загадува воздухот

Од:

Штетни емисии од фабриката „Пејпер мил“, опасен елаборат за погон за обработка на медицински отпад, градежен шут во охридското крајбрежје и стотина други загадувачи кои се сериозна закана по здравјето и животот на граѓаните, за неполни два месеца детектираше Државниот инспекторат за животна средина. Новата директорка Ана Петровска секојдневно е на терен и за „А1 он“ открива дека со овој интензитет на работа блиску се да го лоцираат главниот виновник за загадениот воздух.

Според Петровска, со детална аналитика од инспекторатот и со подготовка на мапа на потенцијалните загадувачи ќе се олесни процесот на инспектирање и ќе се добие појасна слика за тоа од каде и колкава е  опасноста за животната средина.

„Инспекторатот сега постапува со поголеми тимови и во координација со инспекторите на Град Скопје и другите регионални инспектори. На овој начин е зголемена ефикасноста и можеме да постапуваме и во редовни контроли, но и по пријавите од граѓаните“, вели Петровска.

Ако се земе предвид широката слика за состојбата со грижата за животната средина, Петровска вели дека е повеќе од загрижувачка бидејќи нашата земја е сосема контаминирана од експлоатација на природните ресурси и дополнителните ризици, како отворање рудници, не ни се потребни.

„Каменоломите, потоа сечите на шумите во долги планински појаси, акумулација на отпад и слично го исцрпија капацитетот на атмосферскиот воздух. Се надевам дека ќе успееме да ги санкционираме сите оние кои не ги почитуваат стандардите за работа и ќе овозможиме да се дојде до стабилизирање на загаденоста. Во овој момент сметам дека рудниците можат дополнително да ја влошат состојбата“, вели Петровска.

Што се однесува до третманот на медицинскиот отпад, кој во време на пандемија е зголемен за 40 отсто, инспекторите извршиле увид и во скопската депонија „Дрисла“, каде што не се забележани неправилности во работата, но се отвора сомнеж колку од произведениот медицински отпад од клиниките завршува на оваа депонија.

„Правиме детална истрага со методи за анализа на количините на опасен медицински отпад што се произведува од клиниките и количината што стигнува на оваа депонија. Равенката ќе ни открие што точно се случува“, вели Петровска.

Би можело да ве интересира

Загадувачот „Пејпер мил“ од Кочани се затвора, не било исплатливо да работат на метан

Ана Василевска

Медицински отпад на хируршките клиники расфрлан и растурен, најавени соодветни казни

Ана Ололовска

Опасен медицински отпад како хемикалии, лекови, цитостатици требaле да се стерилизираат близу до погони за храна

Ана Василевска

Повеќе фирми во кругот на „Железара“ работат незаконски, утврди инспекцијата

Жарко Настоски

Петровска: Несоодветно се постапува со отпадни материи во МЕПСО, и има можност за загадување на води во Тетово

Ана Ололовска

Петровска: Се што е хартиена документација изгоре во пожарот, но ја обновуваме на различни начини

Ана Ололовска