Светската здравствена организација пред две недели излезе со заклучок дека воздухот што го дишеме е канцероген, а најмногу предизвикува рак на белите дробови, вели Игор Новески.
Тој вели дека загадувањето е исто како да пушиме 5-6 цигари дневно, а надлежните не го сфаќаат сериозно проблемот и го релативизираат.
– Преку 20 граѓански здруженија и иницијативи се организираа, се координираа, организации од Скопје, Битола, Тетово, добиваме поддршка и од Куманово, Кичево, Кавадарци, Велес. Сите поддржувачи во 5 часот тука пред Владата поради енормното загадување, вели Новески.
Според него, скандалозна е изјавата на градоначалникот на Скопје, Коце Трајановски кој изјави дека загадувањето се должи на тоа што во Скопје нема ветар.
Александар Тодески