Игор Николов од ВМРО ДПМНЕ на денешната прес конференција посветена на пандемијата со коронавирус, изјави дека во Вухан, местото каде започна ширењето на вирусот е побезбедно отколку во Македонија.
„Македонија е на дното на безбедност во светот кога станува збор за коронавирусот.
Македонија ја нема на листата на „Форбс“ на сто најбезбедни земји во борба против корона вирусот. Македонија е на 103-тото место и е во друштво со островските држави Света Луција и Доминикана. Да Доминикана, а не Доминиканската Република. Помеѓу европските земји е на последно место.
Сите земји од регионот се подобро рангирани од нас. И за разлика од нас на оваа листа, како побезбедни се оценети Грција, Хрватска, Словенија, Бугарија, Црна Гора и Србија. Значи Македонија не е безбедна по прашање на корона вирусот!
Дури и во Вухан, од каде што започна ширењето на корона вирусот е побезбедно од Македонија.
Македонија потфрли во однос на сите параметри по кои што е направена листата на „Форбс“. Потфрли по ефикасност на спроведените мерки, откривање на заразените и бројот на тестирања, ефикасност на здравствениот систем, како и подготвеност на владата во борба против вирусот.
Додека сите прогласуваат победа во борба против короната, Македонија денеска најверојатно треба да прогласи капитулација.
Кај нас Филипче и Заев шират и опасни тези, велат дека вирусот слабеел, дека тој секојдневно се шири и има се повеќе голем број на новозаболени, и секој ден има и починати.
Неспособноста на владата предводена од СДСМ е опасна за здравјето на граѓаните“, рече Николов.