Невреме проследено со интензивен дожд, електрични празнења и град попладнево ја зафати скопската котлина. Засега е познато дека има материјални штети, откорнати дрвја, а во делови од Скопје оштетени се и возила.
Од Центарот за управување со кризи информираат дека на повеќе места во земјава е нестабилно со пороен дожд, грмежи и засилен ветер, а во моментов јадра со поизразена нестабилност има и околу Штип, Велес, Демир Хисар и Св. Николе.
Поплавени се булевари и подвозници. Невремето започна од делот на Аеродром, а го зафати и Карпош и Ѓорче Петров.