Претседателот Александар Вучиќ по пристигнувањето на Самитот на ЕУ рече дека дошол во Брисел да разговара со европските пријатели за иднината на Србија и регионот, но дека не очекува да се случува нешто.
Утрово разговарал со македонскиот премиер Димитар Ковачевски кој не бил среќен.
„Не можам да кажам дека Ковачевски е среќен, ќе видиме што ќе биде“, додаде Вучиќ.
На прашањето што мисли за билатерализацијата на преговарачкиот процес во Скопје и Софија, Вучиќ посочи дека тоа и е направено на Србија со Приштина, со тоа што и го дал поглавјето 35.
Тој посочи дека Северна Македонија е братска и пријателска земја за Србија и дека се што чувствува Скопје е како да се чувствува во Белград.
На прашањето на медиумите од регионот дали очекува критики во Брисел за невоведувањето санкции кон Русија, претседателот Вучиќ рече дека има подготвен одговор на тие критики и рече дека Србија седи на своето столче.
На прашањето да го коментира тоа што германскиот канцелар Олаф Шолц претходно изјави дека очекува Србија да го признае Косово, Вучиќ кратко одговори: „И јас му кажав дека тоа не го очекуваме“.
извор: РТС