Кандидатот за градоначалник на СДСМ во општина Ѓорче Петров денеска најави грижа за чиста животна средина.
По победата, со кофинансирање мора да се променат фасадите и покривите на зградите, заради зголемување на енергетската ефикасности за да се намали употребата на огревно дрво преку зимата. Паралелно и со гасификацијата на јавните објекти да ja намалуваме загаденоста на воздухот.
– Нашите деца да дишат чист воздух. Поради урбаниот хаос зеленилото го снемува, затоа плански да градиме нови паркови и да се грижиме за постојните. Планираме реновирање на централниот парк во Ѓорче со нови содржини со акцент на зеленилото. Нови зелени провршини и мини паркови кои ќе се наводнуваат со сопствени бунари на техничка вода во Дексион, Даме Груев и во другите населени места, согласно планската документација, изјави денеска Александар Наумоски.
Најави реновирање на сите паркови во состав на зградите, секоја градба и проект да имаат Оценка на влијанието врз животната средина.
– Граѓаните очекуваат од нас нов пристап на раководење, отвореност и енергичност, бидејќи сериозно го разбираме нивниот револт за запуштеноста на Ѓорче, рече Наумоски.