(ВИДЕО) Министерската вила во Охрид е викенд престојувалиште за семејството на Чулев

Од:

Вилата на Министерството за внатрешни работи во Охрид, која функционерите во Министерството ја користат за службени потреби, изминативе денови е престојувалиште за семејството на техничкиот министер, Наќе Чулев. Тој кажа дека неговата сопруга со двете деца се во министерската вила, правдајќи се дека требало и тој да им се придружи. Инаку станува збор за одделен објект од одморалиштето на МВР кое можат да го користат и вработените за службени потреби или пак, приватно да изнајмат соба за која ќе платат паричен надомест.

„Се работи за објект на Министерството за внатрешни работи, не е владин објект, тоа е објект на МВР, кој што се наоѓа во Охрид и каде во моментот на три дена престојува моето семејство и јас требаше да им се придружам, меѓутоа не им се придружив. Тоа е објект кој што е на располагање заедно со одморалиштата на Министерството за внатрешни работи и кој што може да ги користат вработените и менаџментот на МВР“, рече министерот Чулев.

Министерската вила во Охрид досега се користела од сите министри за внатрешни работи кога се пречекувале високи странски претставници, како министри, премиери, амбасадори.

Чулев и претходно се луксузираше на државна сметка, спротивно на правилниците на министерството. „А1он“ веќе објави дека министерот Чулев набавил два „Ајфони“ во вредност од 173.980 денари, неколку денови откако бил назначен на функцијата, иако според правилникот максималниот дозволен износ за еден телефон е 50.000 денари.

Би можело да ве интересира

МВР: Се истепале вработени во здравствена установа во Скопје

Костадиновска-Стојчевска: Ги исполнуваме препораките на УНЕСКО и заеднички овозможуваме трајна заштита на Охридскиот регион

Мониторинг-мисијата на УНЕСКО на проценка во Охрид

Кражбата во средното училиште во Охрид ја извршила ученичка

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник