Поранешниот министер за транспорт и врски, Миле Јанакиески и понатаму се вози со шофер, а објективот на „А1он“ денеска го забележа во центарот на Скопје.
Непријатно изненаден од камерата тој прво се оддалечи од тарабите околу згадата на „Пелагонија“, а потоа се врати назад.
Не е јасно по каква работа беше денес поранешниот министер во зградата каде е сместена Регулаторна комисија за енергетика.
Фасадата на АД „Пелагонија“ е во процес на реконструкција финансирана преку Град Скопје, а со пари од државниот буџет.
На 13-ти мај оваа година Јанакиески поднесе неотповиклива оставка од функцијата министер. Паралелно со него оставка поднесоа и министерката за внатрешни работи, Гордана Јанкулоска, како и директорот на УБК, Сашо Мијалков.
Маја Васева