Лидерот на ВМРО-ДПМНЕ Христијан Мицкоски пристигна на отворањето на клубот „Никола Вапцаров“ во Благоевград.
– Тука сме да ви поддржиме нашинците, Македонците од оваа страна на границата и да испратиме јасна порака дека ние сме Македонци кои зборуваат македонски јазик и доаѓаат од Македонија. Во 21 век никој не треба да има дилема за разговара за ова. Нашето право да се определиме како Македонци е неприкосновено според сите меѓународни акти и затоа денес сме тука за да ги поддржиме нашите Македонци во Бугарија – рече лидерот на ВМРО-ДПМНЕ, Христијан Мицкоски.
Прашан зошто Македонија не го признава правото на македонските Бугари, тој рече:
– Во македонскиот Устав правото на сите малцинства е признато според меѓународните стандарди. Прашањето е зошто правото на Македонците не е признато во Бугарија. Ние сме причината што обединува, а не подгрева тензии и ние сме горди што можеме да бидеме денес овде на отворањето на клубот – додаде тој.