Во скопската населба Капиштец, повторно вандализам од малолетни лица со непримерно однесување. Група малолетници кршат шишиња, палат петарди и предизвикуваат тепачки, со што директно го загрозуваат јавниот ред и мир и безбедноста на граѓаните.
„Ова не е изолиран инцидент, туку континуиран проблем кој бара итна реакција. Како одговорни граѓани, веќе поднесовме пријава до надлежните институции и апелираме до Министерството за внатрешни работи веднаш да преземе мерки за справување со овие недолични активности и да поведе детална истрага”, вели градоначалникот на Центар, Горан Герасимовски.
Тој нагласи дека очекува брза и ефикасна реакција со цел да се спречи некоја поголема трагедија.
Дел од урбаната опрема во Капиштец , Водно и Дебар Маало беше уништена исто пред неколку месеци. Беше уништен клупа и дел од реквизити од детските игралишта „Партение Зоографски“, Славка Недиќ и новото игралиште близу кај „Зебра“. Искинати беа кабли и уништени лулашки и огради.