Односите во СДСМ во Битола се одлични, единството е на највисоко ниво, ме зачудува зошто координаторот на ВМРО-ДПМНЕ требаше да оди до Скопје за да каже нешто што е лага“, рече Јани Макрадули за обвинувањата од партијата на власт дека поради изборот на Динески, врие од незадоволство во Битола.
„Тој треба да си го погледне во сопствениот двор, цела Битола знае дека поради лажните ветувања негови и на Талевски беше нападнат со нож од членови на ВМРО-ДПМНЕ, заради лагите и лажните ветувања што ги дава. Тој како директор на комуналното, заедно со Талевски се виновни што битолчани плаќаат поскапи услуги за сите што ги нуди општината. Затоа нека гледаат кај нив, наместо да подметнуваат кавги кај нас во СДСМ“, рече Макрадули.