„Владата на ВМРО-ДПМНЕ продолжува да демонстрира дека државата е исто што и партијата и тоа во пресрет на европскиот извештај за напредокот на Република Македонија за 2014 година.
Од партискиот центар за комуникации на ВМРО-ДПМНЕ вчера заменик министерката за информатичко општество и администрација зборуваше за сработено во 100 дена од Владата.
Пред неа, од истиот партиски центар на ВМРО-ДПМНЕ, заменик министерката за правда говореше за користење европски пари од ИПА инструментот“, рече на денешната прес-конференција Лидија Димова, претседателка на Комисијата за европски прашања, СДСМ.
„Освен мешањето на државните со партиските активности на функционерите на ВМРО-ДПМНЕ, на јавноста и се скратени основните информации.
Кога Владата ќе им каже на граѓаните дека неповратно се изгубени 15,5 милиони евра од ИПА фондовите?
Исто така, 18 милиони евра од ИПАРД агенцијата во Македонија се дадени на Светска банка за да не се изгубат.
Овие пари што може да се искористат за корисни проекти за граѓаните
Македонија постојано губи поради некадарноста на институциите и Владата.
Власта очигледно знае само да ги задолжува граѓаните на Македонија.
Решението е во Програмата на СДСМ – предложивме ИПА средствата да бидат достапни за европеизација на општеството. Тоа значи да стигнат до училиштата, претпријатијата, земјоделците, синдикатите, до младите, до граѓанските организации“, рече Лидија Димова.