Како што беше најавено на претходните седници – пратеникот Сашко Јанчев денеска повторно побара едночасовна пауза на почетокот на 49. седница на Собранието.
Причината за ваквиот тип на блокада е поради опструкции на Генералниот секретар на Собранието и собраниските служби коишто одбиваат да достават информација за тоа колку средства за патни трошоци и кирии инкасирале пратениците.
Согласно чл. 33 и чл. 32 од Законот за пратениците и член 35 и 67 од Деловникот на Собранието, Службата на Собранието и Генералниотт секретар на Собранието не смеат да игнорираат барање на пратеник. Пратеничкото барање на пратеничката Мојсоска со кое се бара поименично наплатени износи за патни трошоци и кирии од пратениците е поднесено пред четири месеци и уште не е одговорено. Пратеничката група на Левица ќе продолжи со барање пауза на секоја наредна седница додека не се одговори на пратеничкото барање за наплатени патни трошоци и кирии.
