Шефот на дипломатијата на Руската Федерација, Сергеј Лавров при пристигнувањето во арената „Борис Трајковски“ вешто ги одбегна прашањата на новинарите, но го искоментира изгледот на новинарката од Грузија.
„Убава коса“, и рече Лавров на црвенокосата новинарка и влезе во салата каде што го пречека претседавачот и домаќин, министерот Бујар Османи.
Лавров за првпат од почетокот на војната во Украина пристигна во посета на една европска држава која е НАТО членка, а утре ќе одржи прес-конференција за македонските медиуми.
Лавров во Скопје допатува синоќа, некаде по завршувањето на вечерата во хотелот Александар Палас, како неформален почеток на состанокот на ОБСЕ.