Ниту една партија во светот за време на пандемија не се однесува толку неодговорно, деструктивно и опасно по здравје, како што тоа го прави ВМРО ДПМНЕ. Од почетокот на пандемијата ВМРО-ДПМНЕ одмага и ја поткопува борбата против Ковид 19 рече на прес конференција портпаролката на СДСМ Богданка Кузеска.
„ВМРО ДПМНЕ никогаш не ги повика граѓаните да ги почитуваат мерките за заштита од Ковид 19. За нив, Ковид 19, за жал, е само уште една политичка алатка која ја користат по потреба, со цел печалење политички поенти. Во него ВМРО ДПМНЕ препозна сојузник кој им служи за политичко профитирање. Денеска ВМРО ДПМНЕ протестира пред Министерството за здравство кое во изминатиот период основната плата на лекарите специјалисти ја зголеми за 40%, на медицинските сестри помеѓу 20% и 23%, на општите лекари за 25% , а на здравствени соработници за 15%. Ги зголемени капитациите за матичните лекари стоматолози и гинеколози“ – вели Кузеска.