(ВИДЕО) Ковачки: За учество во мировна мисија се дава мито од 3.500 евра, а за прием на професионален војник 5.000 евра

Од:

Пратеникот и член на Извршниот комитет на ВМРО-ДПМНЕ, Драган Ковачки, на денешната собраниска Комисија за одбрана обвини дека за учество во мировна мисија се давало мито од 3.500 евра, а за прием на професионален војник 5.000 евра и тоа, како што истакна тој, едната линија е преку лица до владејачкиот СДС, а другата е преку ДУИ.

„Ова се работи што ги кажувам и не ги зборувам напамет, јас имам и конкретни имиња и кога зборуваме за давање мито, сега споменав 3.500 евра. Знам и една сума што се дава на курсот за професионални војници, односно за подофицери и за приемот на професионални војници, и таа сума е 5.000 евра. И знаеме на кои лица им се дава и ова не го зборувам напамет и не го кажувам само тукутака. За ова предупредуваме подолг временски период, јас дури и на ‘Фејсбук’ напишав дека имало тепачка претходниот викенд, во делот на приемот на подофицери имате ситуација каде што луѓе аплицирале на тој курс за подофицери, се издава наредба на почетокот на курсот за подофицери во понеделник, меѓутоа списокот сѐ уште не е дефиниран. И списокот се дефинира во недела, луѓето не се известени бидејќи се прават дополнителни политички процени, односно кои луѓе треба да бидат пишани на тој курс, односно луѓе што дале по 5.000 евра. Ова го зборувам со целиот мој кредибилитет што го имам во Армијата на Република Македонија. Така што да знаете и вие кој ги зема парите. Има една линија што оди преку СДС и друга што оди преку ДУИ“, порача Ковачки.

Ковачки потенцира дека одговорност за ова ќе има бидејќи тука се конкретните имиња, но ќе ги предаде на надлежните институции на прогон во истиот момент кога ќе бидат ослободени од канџите на власт бидејќи, како што рече, дури и вчерашниот избор на новиот јавен обвинител е на предлог на владејачката коалиција СДС и ДУИ.

„И, сега, ако сакате конкретни имиња, ќе одиме и со тоа, меѓутоа пред надлежните институции тогаш кога ќе бидат ослободени. Затоа што во моментот тие институции не се ослободени и сѐ што ќе се даде таму, знаете дека ќе биде забошотено. И тоа можете многу добро да го согледате од моментот кога вчера го избраа новиот јавен обвинител, кој е ваш предлог. Кај кого да пријавиме ние сега, кај тој новиот обвинител за гонење организиран криминал?“, праша Ковачки.

Би можело да ве интересира

Петрушевски: Ги напаѓа ли Филипче САД преку Сашо Орданоски, и менува ли курс по паметот на Левица

ВМРО-ДПМНЕ: СДС се против реформи во правосудството затоа што ќе нема место за оние на нивен телефонски повик како Кацарска, Трпков, Коцевски и Рускоска

И владејачкото мнозинство поднесе барање за надзорна расправа за аерозагадувањето, Гаши треба да одлучи кое матично тело е надлежно за нејзино организирање

Петрушевски: Се гледа крајот на Трпков и Кацарска судството помогнати од партиските слуги како Коцевски и Русковска

Катерина Ѓуровски

Ако Рускоска обвинителството и Кацарска и Трпков судството беа поим за политизрана правда, тогаш Коцевски е нивниот сиамски близнак, вели ВМРО-ДПМНЕ

Катерина Ѓуровски

Петрушевски: Љупчо Коцевски премолче за сите криминали на СДС