(ВИДЕО) Ковачевски: РЕК Битола ќе остане во состав на ЕЛЕМ, во државна сопственост

Од:

Претседателот на СДСМ Битола Васко Ковачевски, денеска во изјава за медиумите рече дека ниту ЕЛЕМ, ниту РЕК Битола ќе се продаваат и дека вработените нема да останат на улица.

– Во изминатите денови, во екот на предизборната кампања, ДПМНЕ во немоќ и паника од нов катастрофален пораз во Битола, се обидуваат преку лаги и дезинформации да ги плашат битолчани со т.н пеколен план, цитирам…„дека РЕК е капарен за продавање, дека РЕК е веќе договорен за продавање“. Вистината е поинаква, една и единствена, рече Ковачевски.

Тој нагласи дека РЕК Битола и понатаму ќе остане столб на електроенергетскиот систем во Македонија и дека ќе остане во состав на АД ЕЛЕМ во државна сопственост.

– Но исто така, РЕК Битола ќе биде главниот двигател на економијата во Битола и регионот, што не беше случај во 11 годишното владеење на ДПМНЕ. На парламентарните избори во декември минатата година, ветивме низа мерки за подобрување на состојбите во комбинатот. Ветеното го остваруваме. Овие дена, вработените во РЕК Битола повторно добиваат оброк, кој им беше скратен пред неколку години. Последната плата е зголемена за 5% на сменските работици. За многу брзо, ќе го вратиме и бесплатниот превоз за сите вработени, рече Ковачевски.

Тој додаде дека покрај подобрувањето на условите за вработените, еколошките проекти, зајакнувањето на дисциплината, домаќинското и одговорно работење, РЕК Битола ќе била и стабилен и моќен комбинат.

– РЕК Битола повеќе нема да биди извор на криминал и корупција, како во време на владеењето на Груевски и фамилијата. Граѓаните на Битола веќе препознаваат, и после промената на централната власт, на 15ти октомври следува нова промена со нова локалната самоуправа предводена од СДСМ и коалицијата, рече Ковачевски.

Би можело да ве интересира

СДСМ: Дали корупцијата е главен мотив за предавство на националните интереси со „Казанџи Холдинг“?

(ВИДЕО) Илиевски: Над 20 отсто од територијата на Македонија изгоре во пожари, не му оди на Мицкоски со патриотизмот

(ВИДЕО) Шукова: Скопје повторно ќе го издигнеме, со љубов кон градот и заедништво

Горан Наумовски

(ВИДЕО) Димитријевиќ: Режим на дело, почнаа нарачаните кривични пријави против кандидатите на СДСМ

(ВИДЕО) Тренчевска: Историска измама, со линеарното покачување власта ги краде пензионерите

СДСМ: Лефков нека се скрие во дупка, се брука и себе и ДПМНЕ