(ВИДЕО) Ковачевски: Најлесно е да се гласа против, само со глас За може да одиме напред кон просперитет

Од:

Само доколку во среда, на 8-ми мај, гласаме ЗА, може да одиме напред и да изградиме подобра држава за нашите деца, држава во која тие ќе сакаат да живеат, истакна претседателот на СДСМ, Димитар Ковачевски на вечерашниот митинг во Кочани.

Им порача на граѓаните дека најлесно е да се гласа против власта, но потенцираше дека овие избори се клучни за иднината на државата и нејзините евроинтеграции, и затоа дојдено е време кога треба да се гласа ЗА.

„Гласот ПРОТИВ за некого можеби значи „казна“, но верувајте, во исто време ги казнувате и сопствените деца. Гласањето ПРОТИВ како еден вид краткорочна казна со себе носи опасност да има долгорочни последици за државата. И тоа не смееме да го заборавиме. Затоа, од тука, од Кочани, подаваме рака на сите прогресивни и демократски сили, на 8-ми мај заеднички да дадеме поддршка на идејата за европска Македонија“, рече Ковачевски.

Тој истакна дека СДСМ е современа, прогресивна партија и единствена политичка сила која вистински може да ја однесе Македонија во Европската Унија и да изгради држава со европски стандарди и вредности.

„Мора да има конечна и одлучна борба против злоупотребите, неправдите и системската корупција од која не можеме да кренеме глава повеќе од 30 години. Од тоа нема да отстапиме. Ќе воведеме ред, еднаквост и правда за секој подеднакво, без разлика дали е премиер, министер, пратеник, директор или обичен граѓанин. Или ќе го направиме тоа или нема да нè биде.“

Лидерот на СДСМ ги повика граѓаните на 8-ми мај да гласаат ЗА претседателскиот кандидат, Стево Пендаровски и ЗА кандидатските листи на СДСМ и Коалицијата за европска иднина.

Би можело да ве интересира

(ВИДЕО) Кузеска: Фирмата и сопругата на началникот Салтировски донатори на ВМРО-ДПМНЕ

Горан Наумовски

СДСМ: РЕК Битола не е на мрежа, поради пожар во командниот ормар од нередовно чистење и не одржување

(ВИДЕО) Цветаноски: Македонија е претпоследна во Европа по висина на минимална плата, зад нас е само Албанија

(ВИДЕО) Попоски: На Прилеп му се случува невидена градежна офанзива, ама неа се уште никој не ја видел

Горан Наумовски

ВМРО-ДПМНЕ: Инсталациите на СДС во правосудните органи, повторно одработуваат за услугата што се избрани

СДСМ: Македонија претпоследна во Европа по минимална плата

А1он