– Вистинската причина зошто ВМРО-ДПМНЕ го блокира Собранието се криминални интереси. Додека 500 илјади граѓани се на работ на сиромаштијата, фирми блиски до братучедите Никола Груевски и Сашо Мијалков се богатат, рече Васко Ковачевски, СДСМ.
Тој кажа дека е неодговорно да се тврди дека било итно да се склучи договор за ископ на јаглен и јаловина без тендер и праша како од сите фирми договорот за ископ вреден 5 милиони евра го добила токму „Марковски компани“.
– Очигледна е тенденцијата парите да завршат во оваа фирма. Ова е причината зошто се блокира правдата и одговорноста, рече Ковачевски.
Тој кажа дека согласно Уставот и Деловникот ќе изберат претседател на Собранието и го повика Трајко Вељаноски да престане да го крши Деловникот на Законодавниот дом.