„На Христијан Мицкоски му поставивме неколку прашања и веќе десетина дена не одговара на поставените прашања од наша страна.
Денеска, дополнително, ќе му поставиме и нови прашања на кои се надеваме дека навремено ќе одговори“, рече Костадин Костадинов, портпарол и пратеник на СДСМ.
„Дали Христијан Мицкоски отиде во Будимпешта на уште една консултација со својот шеф, криминалецот во бегство Никола Груевски?
Дали Мицкоски отиде кај Груевски да бара совети како да го спречи Законот за попис?
Отиде ли Микцоски кај Груевски да добие совети како да ја спречи правдата и уште посилно да го брани криминалот на ВМРО-ДПМНЕ?
Дали Мицкоски отиде кај Груевски за овој да го подучи како да шири, лажни вести национализам и омраза меѓу граѓаните?
Дали Мицкоски од Груевски добил инструкции како да продолжи со деструкцијата и обидите да го закочи напредокот во интеграциите на државата кон ЕУ и НАТО“, прашува Костадин Костадинов, портпарол и пратеник на СДСМ.
„Јасно е дека единствениот криминален октопод е сместен во Будимпешта, неговата глава е Никола Груевски, а неговите пипци се Мицкоски и ВМРО-ДПМНЕ.
Мицкоски не е ништо друго освен послушник и извршител на наредбите на осудениот криминалец во бегство, Никола Груевски.
Ништо не се менува во ВМРО-ДПМНЕ раководена од Будимпешта.
Од белиот дворец нема ниту една позитивна мерка, само лажни вести, деструкција и одбрана на криминалот“, изјави Костадин Костадинов, портпарол и пратеник на СДСМ.