(ВИДЕО) Коалицијата „Храбро за Македонија“ до ДИК ги поднесе листите за кандидати за пратеници

Од:

Коалицијата „Храбро за Македонија“ денеска до Државната изборна комисија ги поднесе листите за кандидати за пратеници во Собранието на Република Македонија.

На изборите „Храбро за Македонија“ ќе настапи со следните носители на изборни единици:

Добрила Андоновска во ИЕ1, Љупчо Ристовски во ИЕ2, Јордан Николов во ИЕ3, Ружица Николова во ИЕ4, Самка Ибраимоски во ИЕ5,Зоран Софрески во ИЕ6.

– „Коалицијата „Храбро за Македонија“ ја поднесува оваа листа во која учествуваат Граѓанската опција за Македонија, Интегра и Партијата за целосна еманципација на Ромите. Ние сега имавме Централен одбор на којшто без било каква забелешка, едногласно беше усвоена оваа листа и во исто време сакаме да кажеме дека ја предаваме оваа листа во којашто имаме и доктори на науки и угледни доктори, имаме хирурзи, луѓе од различни области кои можат да бидат вистински репрезенти на граѓаните од нивните средини. Она за што овие шест листи ќе се залагаат меѓу другото е реформа на образованието, реформа на здравството и реформа на јавната администрација, изјави лидерот на ГРОМ и кандидат за претседател на државата, Стевчо Јакимовски.

– „Коалицијата „Храбро за Македонија“ на ГРОМ, Интегра и ПЦЕР, со кандидатските листи кои денеска ги поднесуваме и со програмската платформа со којашто ќе се појавиме на изборите, очекуваме да биде сериозен катализатор на процесите на политичката сцена во Македонија. Очекуваме дека третиот, нов пат, ќе изненади овојпат, очекуваме и дека ќе изненадиме со нашите цели во програмската платформа, ќе таргетираме извонредни критични точки во општестото, во политичкиот систем и се надеваме дека ќе го покренеме гласачкото тело и овие моќни 53% неопределени конечно ќе мора да сфатат дека со заокружување на гласачкото ливче ја креираат својата судбина, судбината на своите семејства, на своите деца и своето потомство и се надеваме дека ќе имаме сериозен одзив на овие избори“, рече Љупчо Ристовски, лидер на ИНТЕГРА.

– Јас сум пресреќен што овие кандидати ќе го поддржуваат Законот за извршување и ќе вложат максимален труд, доколку нормално вие ги изгласате, а би требало да ги изгласате бидејќи се засегнати граѓаните. На оваа листа се чесни луѓе и оваа коалиција ја поддржува таа иницијатива. Затоа сме денеска сите тука заедно, да поддржиме, да го подобриме животот на граѓаните и да извршителите ги пратиме каде што им е местото, односно да не бидат тука, туку да се вратат сите извршители во судот и да почне да се спроведува Законот. Со овој стил на работење, извршителите го упропастија народот, имаме 500.000 жртви, починати од стрес поради тие дејствија на извршителите. Затоа сме денес тука, бидејќи оваа коалиција ја поддржува нашата ангажираност и нашите активности во делот на извршувањето во Република Македонија“, изјави Самка Ибраимоски, лидер на ПЦЕР.

Би можело да ве интересира

Ибраимоски: Јас сум Тито за Ромите во Македонија, сите да дадеме поддршка за Јакимовски и „Храбро за Македонија“

Јакимовски: Нема да молчам никому и подготвен сум и глава да дадам за достоинството на Македонија

Ристовски: Јакимовски е еден од најхрабрите политичари, човек со јасен и прецизен став, без калкулации за себе

Катерина Ѓуровски

Андоновска: Ќе се залагам пензијата во едно семејство да не биде помала од 25 илјади денари

Ибраимоски и Глигорова: „СТОП за извршителите, брзите кредити и должничкото ропство“ е еден од главните постулати на програмата „Храбро за Македонија“

Предраг Петровиќ

Ристовски: Уценувачката екстремистичка политика на ДУИ мора да биде сосечена во корен

Предраг Петровиќ