Една година како ВМРО-ДПМНЕ ги предводи најголем дел од единиците на локалната самоуправа, една година стагнација на општините. Освен кавги за тендери, партизација на општините, граѓаните ништо друго не видоа од градоначалниците од ВМРО-ДПМНЕ. Наместо пред граѓаните, градоначалниците од ВМРО-ДПМНЕ реферираат пред шпицниот градоначалник Христијан Мицкоски, нему му даават отчет, наместо да бидат транспарентни пред јавноста, изјави денес на прес конференција Дарко Каевски, портпарол на СДСМ и пратеник.
– Исто како и неговиот претходник и ментор Никола Груевски, Мицкоски оди и прави увид, дава изјави во име на градоначалниците а дури и самиот кажа дека лично тој преговорал за јавна набавка за автобуси за Град Скопје. Градоначалниците од ВМРО-ДПМНЕ по налог на Мицкоски трошат милиони евра среде криза за партиски вработувања, а потоа бараат пари и помош од владата.
Во сред криза, наместо помош за граѓаните, градоначалниците од ВМРО-ДПМНЕ и нивните партиски поставени директори удираат по џебот на граѓаните, зголемувајќи ги цените за комунални услуги. Штип, Прилеп, Охрид, Велес, се само дел од општините каде градоначалниците од ВМРО-ДПМНЕ сериозно ги зголемија цените на комуналните услуги и јавниот организиран превоз.
ВМРО-ДПМНЕ покажа дека е истата нереформирана партија која ги има поклопено општините, ги има партизирано јавните претпријатија и одработува за интересот на Мицкоски. На оваа партија не и се битни граѓаните, туку единствено интересите на Мицкоски и личното богатење на одредена група луѓе блиски до него. Една година општините предводени од ВМРО-ДПМНЕ стагнираат а вината за тоа е неспообноста на градоначалниците и нивната понизност кај шпицниот градоначалник Христијан Мицкоски – рече Каевски.