Кандидатот за градоначалник на Струмица од коалицијата предводена од СДСМ, Коста Јаневски се заблагодари на сите што го следеле во кампањата и на граѓаните што му овозможиле истата да ја доближи и сподели со граѓаните и да ја збогати со нивните мислења и сугестии.
– Ви благодарам на сета оваа позитивна атмосфера на градење мостови и разбирање како што доликува на едно граѓанско општество. Ве повикувамe на 15 октомври во недела да излезете, слободно, гордо и достоинствено да го искористите своето право на глас и да ја дадете поддршката за бројот 19. Поддршка за мене како кандидат за градоначалник и советничката листа на СДСМ и коалицијата. Поддршка за живот во Струмица за сите, рече Јаневски.