(ВИДЕО) Јаневски: Како градоначалник ќе ги користам средствата од европските фондови за градење на Струмица

Од:

Кандидатот за градоначалник на Струмица од СДСМ, Коста Јаневски денеска изјави дека ќе ги користи европските фондови за да ја гради Струмица и дека пречистителната станица, која е изградена со средства од ЕУ, е потврда за грижата кон животната средина и здравјето на граѓаните.

– Таа ќе ги третира отпадните води од градот, населените места Баница, Добрејци, Градско Балдовци, Сачево, Дабиле, Муртино, Просениково и индустриските зони кои гравитираат кон Струмица. Градена е по европски терк, рече Јаневски.

Тој додаде дека здравјето на граѓаните ќе биде негов приоритет и дека ќе обезбеди редовно и квалитетно водоснабдување за сите.

– Ќе ги зголемуваме зелените површини и ќе ја намалиме загаденоста преку проектот ЗЕЛЕНИ ЅИДОВИ И ПОКРИВИ ЗА ЧИСТ ВОЗДУХ. Секој новоизграден зелен покрив на станбени куќи и згради ќе биде ослободен од надоместокот за комуналии. Ќе ги субвенционираме трошоците за изградба за енергетско ефикасни фасади на колективни станбени згради со најмногу 80 проценти од вредноста на инвестицијата со општински средства, вели Јаневски.

Тој вети дека ќе постави подземни контејнери во централното градско подрачје за селекција на отпадот и дека ќе го уреди Светиилијскиот и каналот Крушевска Република.

– Преку проектот Градски парк – срцето на Струмица ќе ги зголемиме зелените површини и хортикултурното уредување зад стариот објект на АТШ Берово. Ќе градиме и обезбедуваме здрав живот за сите во Струмица, рече Јаневски.

Би можело да ве интересира

(ВИДЕО) Фрчкоски: Мицкоски и Славески брзаат да ја продадат Алта банка за џабе – кој ќе ја плати цената?

Горан Наумовски

СДСМ: Нема пари, 51 милион евра не се префрлени во вториот столб

(ВИДЕО) Кузеска: Една недела нема одговор од Савески за Алта банка и кривичната – им купува време на Мицкоски и Славески?

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ