Снимките се анализираат и за тоа кој и како прислушувал во периодот од 2008 до 2015 година ќе имате можност да дознаете кога и ние ќе ги завршиме сите дејствија кои сме ги преземале. Во овој момент се вршат анализи на снимките, тоа прашање ни е приоритет, рече специјалната јавна обвинителка, Катица Јанева во одговор на прашање од пратеникот Димитар Стевананџија.
– Во тие 12% кои ги преслушавме, реков дека Зоран Заев не е преслушан за некои тендери и слично, не значи тоа дека не се слуша во некој дел, во тие 12% има повеќе луѓе. Што се однесува до моите почитувани колешки, мислам дека веќе многу пати кажав, моето образложение го дадов пред Советот на јавни обвинители. Во моментов немам потреба од повеќе обвинители, туку барам мандатот да ми се продолжи, рече Јанева.
Специјалната јавна обвинителка истакна дека новинарите за кои пратеникот на ВМРО-ДПМНЕ, Стевананџија праша, не се дел од СЈО и дополни дека нема сознанија дека некој од обвинителството изнесува детали во јавноста.
Александар Тодески