Секој има право да каже и да коментира што сака, но тоа мене не ме обврзува, јас мора да си ја вршам својата службена должност и овластување. Приоритет се нашите предмети кои се активни и извештајот кој треба да го дадеме на 15. септември, рече Специјалната јавна обвинителка Катица Јанева по завршување на рочиштето за „шамарите“ и зборовите на адвокатот Никола Додовски дека согласно барањата на Советот на јавни обвинители, Јанева и Фатиме Фетаи треба да бидат изземени од случајот.
– Писмото од Советот на јавни обвинители го дадов на запознавање на сите предмети па ќе се произнесеме. Најважно е судот да почне да работи и предметите да тргнат во судот, да почнеме да расправаме за нашите предмети во судот. Година ипол нашето обвинителство еден збор нема ставено на записник во кривичниот суд на главна расправа, тоа нам ни е најголемиот проблем во овој момент, рече Јанева.
Александар Тодески