(ВИДЕО) Јанева: Не сум вмешана во рекет

Од:

Шефицата на СЈО, Катица Јанева, која по една недела боледување се врати на работа, а чии телефони беа одземени за прибирање еветуални докази во случајот за рекет, вели дека ниту свесно ниту несвесно не ја залоупотребила должноста што сè уште ја извршува.

„Од моментот за мој избор за специјален обвинител, мојата професионална биографија и семејството се дел од напади на политичките партии со цел да ме дискредитираат. Оваа функција значи чест и одговорнсот”, рече Јанева пред новинарите.

„Да ви се извинам што подолг период не излегов во јавност, иако не беше лесно да го следам јавниот линч. Во врска со наводите, индициите и вмешаноста во рекет, го изјавувам следното. Тврдам дека ниту свесно, ниту несвесно, ниту со сторување не сум ја злоупотребила должноста што ја извршувам“, рече шефицата на СЈО и дополни дека очекува и ги охрабрува органите на прогнот докрај да истражат.

„Се познаваме со Јовановски, мојот син работи во ‘1ТВ’, но тоа не значи дека некој стекнал право да ме злоупотребува мене за да презема незаконити дејствија. Затоа очекувам низ постапка да се стави крај на дезинформациите со кои се наштетува на честа и угледот. Подолго време слушам дека не само Бојан Јовановски туку и други лица го злоупотребуваат моето име и презиме”, рече обвинителката за контактот со првоосомничениот во аферата, Бојан Јовановски.

„Со оставката потврдувам дека не можам да влијаам на конечниот исход на случајот ‘Рекет’. СЈО е позначајно од мојата функција, бидејќи е беспоштедна битка со криминалот. Оставам во наследство десетици истраги. Тие истраги ќе дадат одговор зошто некој се обиде да го спречи тој реизбор и го загрозува кредибилитетот на СЈО. Благодарам на СЈО и граѓаните што ни помогнавте да работиме на одговорот“.

Јанева кажа дека остава во наследство 10-ина затворени истраги подготвени за брзо процесирање кои ќе ѝ дадат одговор на јавноста зашто некој со сите сили се обидувал да го спречи нејзиниот реизбор и да го загрози интегритетот на СЈО.

Шефицата на СЈО не одговори на новинарските прашања по завршувањето на прес-конференцијата.

Би можело да ве интересира

Катица Јанева однесена во затворот „Идризово“

Кристијан Ландов

Пресудата за „Рекет“ ќе стигне до Врховен, Катица Јанева ја нема добиено одлуката, ниту упатен акт за во затвор

Кристијан Ландов

Апелација ги потврди казните на Катица Јанева и Бојан Јовановски

Ана Ололовска

Вишиот јавен обвинител Бектеши побара повисоки казни за случајот „Рекет”

Ана Ололовска

На лошото здравје на Јанева влијае и притворот, адвокатите се надеваат дека ќе се укине пресудата за „Рекет“

Кристијан Ландов

Адвокатите на Јанева: За неа нема докази во „Рекет“, туку незаконски снимки и сведоци кои сакаат да се спасат од законот

Ана Ололовска