„ВМРО-ДПМНЕ сериозно пристапува кон сите активности, а сите кандидати ќе бидат објавени есенва после одржувањето на Централниот комитет. За нас политиката не е туризам туку наука“.
Вака градоначалникот на Битола, Владимир Талевски одговара на прашањето дали министерот Иво Ивановски кој е во Битола денеска, ќе биде кандидатот на ВМРО-ДПМНЕ за прв човек на овој град.
Според него, сите што аплицирале на конкурсот имале подеднакви шанси.
Ниту Ивановски не одговори директно дали е тој човекот што ќе ја бие битката за ВМРО-ДПМНЕ во Битола.
„Ви одговори градоначалникот кој е концептот на ВМРО-ДПМНЕ и покрај анкетите и сите имиња, ние сме обединети, наспроти она што се случува во СДСМ кои се разединети“, рече Ивановски.