(ВИДЕО) Иванов: Нема да гласам на референдумот на 30 септември

Од:

Претседателот на Република Македонија, Ѓорге Иванов на гала-вечера организирана од македонската дијаспора во Детроит истакна дека ќе го бојкотира референдумот на 30 септември.

ПРЕТСЕДАТЕЛОТ! #Бојкотира!

ПРЕТСЕДАТЕЛОТ НА РЕПУБЛИКА МАКЕДОНИЈА #БОЈКОТИРА

Posted by Пишман Аџија on Сабота, 22 септември 2018

– Што се однесува до мене, јас веќе гласав пред 27 години, на 8 септември 1991 година. Не отстапувам од мојата одлука. Затоа, на 30 септември нема да излезам да гласам, рече Иванов.

Тој истакна оти од народот добил доверба со цел да не дозволи промена на Уставот за промена на уставното име.

Иванов потсети дека согласно Член 7, став 3 од Законот за референдум, никој не може да биде повикан на одговорност за гласање, односно негласање на референдум. Секој граѓанин, рече Иванов, има право да одлучи како ќе постапува во однос на овој референдум, да излезе и да гласа, или, пак да не излезе и да бојкотира.

Тој порача дека во согласност со Уставот, сувереноста извира од граѓаните и им припаѓа на граѓаните. „Немојте да дозволите некој тоа право да ви го одземе, немојте да дозволите некој да ве десуверенизира. Не дозволувајте некој друг да ви ја контролира вашата свест и вашата национална гордост“, истакна македонскиот претседател.

Иванов се заблагодари за сета досегашна поддршка од дијаспората и изрази верување дека и во овој период на предизвици дијаспората ќе ја искористи секоја можност за да и помогне на Македонија. Во обраќањето Шефот на државата уште еднаш го реафирмираше својот став дека спогодбата со Грција е штетна и поразителна за Република Македонија и дека решението што им се нуди на македонските граѓани на референдум е донесено без национален консензус, спротивно на досега изградените државни позиции и без негово знаење и согласност.

„Со оваа спогодба не само што се менува името на постојната држава, туку се создава нова, полусуверена држава, со ново име, со нов внатрешно-правен и меѓународно-правен идентитет“, порача претседателот Иванов.

Тој додаде дека без вистински реформи, без борба против корупцијата, без борба против партискиот елитизам и клиентелизам, нема членство во Унијата и НАТО. „И да се прифати штетниот грчки договор, и да се промени македонскиот Устав, членството во ЕУ и НАТО не следува по автоматизам“, рече претседателот.

На Гала вечерта во организација на Обединетата македонска дијаспора на претседателот Иванов му беше доделено највисокото признание „Глобален државник“, а на истата присуствуваа и конгресмените на САД, Пол Мичел и Деби Дингел.

Иванов е во посета на Соединетите Американски Држави, каде што в четврток треба да одржи говор пред Генералното Собрание на Обединетите нации. Генералното собрание на Обединетите нации, што секоја година почнува во третиот вторник од септември, годинава се одржува од 25 до 30 септември.

Би можело да ве интересира

ВИДЕО: ДКСК нема покренато постапка пред Управен за указите на Иванов, ако не биле надлежни требало да го отфрлат предметот

Ана Ололовска

Антикорупциска ќе поднесе жалба на одлуката на Управниот суд за Ѓорге Иванов

ДКСК бара да се раскине договорот за закуп и за Црвенковски

ДКСК ќе побара раскинување на договорот за канцелариите на Иванов

Ана Ололовска

Камерон: Можно е на Велика Британија да и треба нов референдум

Иванов потрошил осум илјади евра за кафиња и сокови за 4 месеци

Васко Маглешов