ВИДЕО: Истрагата за порнографската група „Јавна соба“ во ќорсокак, „Телеграм“ не дава информации за членовите   

Од:

Социјалната мрежа „Телеграм“ не дава информации за членовите на порнографската група „Јавна соба“  во која се споделуваа експлицитни видеа и фотографии од македонски девојки, меѓу кои и малолетнички. Техничкиот министер за внатрешни работи Наќе Чулев вели дека седиштето на „Телеграм“ во Лондон ја затворило групата и ја прекинало понатамошната соработка.

dobivaj vesti na viber

„Во однос на ‘Јавна соба’ која што беше на ‘Телеграм’ ги контактиравме сопствениците во Лондон, ја затворија групата меѓутоа не ни дадоа никаква повратна информација. Утврдени се едниот администратор и едниот модератор. Против нив е поднесена соодветна кривична пријава меѓутоа со оглед на несоработката на сопствениците на ‘Телеграм’, едноставно тие одбиваат каква било комуникација, а тоа ни беше соопштено и од други партнерски држави дека ‘Телеграм’ не дава какви било информации во однос на барањата коишто произлегуваат од властите на државите, ние без соработка на ‘Телеграм’ не можевме да ги утврдиме оние учесници во ‘Јавна соба’ коишто објавиле инкриминирачки материјали согласно Законот за да може да ги процесуираме“, рече министерот Чулев.

МВР не можело да преземе мерки ниту по пријавените жртви на „Јавна соба“ чии видеа и фотографии биле споделувани во групата без нивна согласност.

„Жртви имаше во Тетово, имаше во Штип, но дел од лицата коишто се пријавија како жртви едноставно не ги исполнуваат елементите за водење на каква било кривична постапка. Мора да бидат исполнети елементите од Кривичниот закон. Некои од жртвите коишто се пријавија едноставно не можат да бидат опфатени со Кривичниот закон“, објасни министерот Чулев.

Покрај пријавите за администраторот и модераторот, министерот Чулев најави дека одговорност ќе бараат и од сите членови кои споделувале порнографка содржина во групата и најави дека сите поединечно ќе ги повикаат на разговори.

Групата „Јавна соба“ имаше околу 8000 членови меѓу кои имаше имиња на политичари, бизнисмени и новинари.

„А1он“ минатиот месец објави дека во тајна група на „Телеграм“ се споделуваат порнографски видеа и фотографии од малолетни девојчиња, а за групата на социјалните мрежи алармираше професорка од средно училиште која предупреди дека „пред очи ни се случува дегенерација на новата генерација млади и општ пад на моралот на сите нивоа“.

Би можело да ве интересира

Суспендиран британски пратеник обвинет за гледање порнографија во Парламентот

А1он

МВР: Доколку има злоупотреба, ВМРО ДПМНЕ нека бара одговорност од тогашниот министер Чулев

А1он

Делегацијата на ЕУ во Русија отвори налози на Телеграм и на Вконтакте

А1он

Телеграм го надмина Вотс ап според бројот на корисници во Русија

А1он

Администраторот и модераторот на „Јавна соба” ќе си останат во куќен притвор бидејќи можат да избегаат

Кристијан Ландов

По четири години затвор добија обвинетите за порнографијата во „Јавна соба“

Кристијан Ландов