Гневна толпа на родители на децата oд училиштето „Тодор Јанев“ кои трета недела ја бојкотираат наставата поради одлуката на МОН да се отвори албанска паралелка, и се нафрлија на директорката Николова, а полицијата мораше да интервенира и спречи поголем инцидент во моментот кога таа доаѓаше во училишниот двор.
„Дојди дојди, директорке, како не ти е срам , ѓубре едно“, „Удрете ја, турнете ја, оваа го направи ова“, „Уаа предавничке“, извикуваа родителите во Чашка кои поради одлуката на министерот Јетон Шаќири три недели со жив штит го чуваат влезот на училиштето.
Родителите на учениците Македонци не дозволуваат противзаконско и вонстатутарно отворање на албанска паралелка која ја одобри МОН а ја прифати директорката Николова.
Неколку денови полиција од Велес и Чашка е тампон зона помеѓу очајните родители и директорката на Тодор Јанев која безуспешно се обидува да влезе во школото.
Родителите ги пренесоа заклучоците од состанокот со министерот Шаќири и револтот се зголеми затоа што тој не се согласува со нивниот предлог оние четири деца за кои се отвори паралелката, да учат на својот мајчин јазик во друго училиште во село Сливник кое со реонизација припаѓа на општина Велес, не на Чашка.
Училиштето, според статутот е само за настава на македонски јазик и во населено место со Македонци и отворањето на ваква паралелка, според родителите е насилно и незаконски.