Пратеникот Илија Димовски и директор на Центарот за комуникации на ВМРО-ДПМНЕ, на новинарско прашање за известувачот на А1 како ја коментира навредата на неговиот сопаратиец Илија Китановски дека „пратениците на опозицијата се србокумонисти“, наместо да одговори на прашањето на новинарот му поставуваше контрапрашања како тој коментира одредени случувања во Собранието.
Се обиде и да дискредитира новинари со тоа што се нафрли со навреди дека се блиски до СДСМ и затоа го прават ова. Инаку Димовски однесувањето на опозицијата го нарече најнизок и највулгарен обид да се стопира работата на законодавниот дом.
„Овој хаос е израз на безидејноста и немоќта на СДСМ и стравот од нормални избори. Грубо се крадат материјали од претседателотот на комисијата, Горан Мисоски и Игор Ивановски со недоличното однесување комисијата сакат да ја претворат во партиска говорница. Ова е израз на фрустрациите на врвот на СДСМ кој не знае како да се врати на власт. ВМРО-ДПМНЕ апелира оваа ситуација да се прекине“
„Некој седи во удобни партиски кабинет и диктира како да се спроведе ниско и агресивно сценарио, Апелирам да се вразумат“, рече Димовски.