(ВИДЕО) Ѓорѓиевски: Додека Спасовски тера партиски агенди, во Македонија се лее крв по улици, домови и по угостителски објекти

Од:

Додека Оливер Спасовски си тера партиски агенди и дели партиски книшки во Куманово, во Македонија се лее крв по улици, по домови, и по угостителски објекти, рече Орце Ѓорѓиевски од ВМРО-ДПМНЕ на прес-конференција.

dobivaj vesti na viber

– Крвавиот викенд за само 36 часа донесе три свирепи убиства. Освен ликвидацијата на човекот во Ѓорче Петров, вчера се случи и убиство во угостителски објект во Кичево и убиство во дом во Прилеп. Полицијата наместо да биде гаранција за редот и мирот, немо посматра како црнилата ги зафаќаат улиците и домовите ширум Македонија. Сето тоа е резултат на непрофесионалноста и неспособноста на првиот човек на Министерството за внатрешни работи, Оливер Спасовски. Затоа довербата во полицијата е падната на 31% меѓу граѓаните, затоа корупцијата постојано зема замав, затоа рекетарите се чувствуваат заштитени, затоа убиствата станаа наше секојдневие, затоа имаме зголемување на насилството. Животот на граѓаните им се претвори во сцени од филмовите за дивиот Запад, рече Ѓорѓиевски.

Тој додаде дека општ впечаток во Македонија е дека постои коалиција меѓу криминалот и власта.

– Речиси да нема криминалец во земјата, убиец или рекетар кој не се има срдечно фотографирано со Зоран Заев или Оливер Спасовски. Затоа се осоколени во своето дивеење, бидејќи блискоста со власта прави да се чувствуваат заштитени дека ќе поминат неказнето. Тоа што криминалот царува е одраз на работењето на Оливер Спасовски. Кога сите гледаат како се прават матни и криминални зделки од врвот на МВР, кога гледаат селективност и нестручност, кога гледаат неспособност од Спасовски, логична последица на сето тоа е она што во моментов ни се случува во државата. Оливер Спасовски мора да замине за да се врати угледот на институцијата и да се врати редот и безбедноста во нашата држава. Тоа граѓаните го чекаат и очекуваат, рече Ѓорѓиевски.

Би можело да ве интересира

ВМРО-ДПМНЕ закажа протест за 18 јуни во Скопје

Кристијан Ландов

Мицевски: Уследува активна блокада бидејќи Ковачевски и Владата одбија дијалог во четири клучни области за граѓаните и разговор за предвремени избори

А1он

СДСМ: Фарса седница на ИК на ВМРО-ДПМНЕ со штетни одлуки нарачани од Никола Груевски

А1он

Николоски: Од 10 мај почнуваме со активна блокада на Собранието

Искра Манојлоска

ВМРО-ДПМНЕ: Бујар и Ахмети да се договорат дали ја праќале Теута Арифи предлог амбасадор или не и на колку места

А1он

(ВИДЕО) Костовски: Мицкоски освен неконструктивност не покажува ништо друго, изборите ќе бидат во 2024 година

А1он