(ВИДЕО) Георгиевски: Усеини ми кажа да му барам локација за бетонската база, јас му кажав дека не сум агенција за недвижнини

Од:

Градоначалникот на Охрид, Константин Георгиевски во интервју за „А1он“ вели дека нема место за калкулации и сите дивоизградени објекти ќе бидат отстранети. Тој рече дека сите мора да сфатат дека времето на урбанистички хаос полека завршува.

Георгиевски во интервјуто кажа дека поднел и кривична пријава против советникот во општината од ДУИ, Нефи Усеини, за дивоизградената пицерија кај Чинарот.

„За објектот кај Чинарот, лично јас поднесов кривична пријава до Обвинителството против советникот, бидејќи тој лично кажа дека е негова сопственост. Како и за секој друг објект, така и за тој. Јас разговарав со Нефи Усеини и за бетонската база. Му кажав дека час поскоро бетонската база треба да се отстрани од таму. Тој ми кажа да побараме локација каде има предвидено. Јас му кажав дека не сум агенција за недвижнини, за да му барам локации по градов за неговите објекти кои ги поставил каде не им е место. Базата треба да се отстрани, а потоа, ако во ДУП-от има предвидено, нека си почне процедура за добивање дозвола“, рече Георгиевски во интервјуто.

Во интервјуто со Георгиевски кое ќе се емитува утре во 12 часот, тој зборува за судбината на узурпираните плажи, епилогот од пријавите кои Охрид ги поднел до Обвинителството против сопствениците на дивоградби, рушењето на платформи, куќи, хотели, а открива и како Охрид ќе наплати за користење на плажите кои работат со истечени концесии.

Би можело да ве интересира

Трипуновски: Прв пат од 1935 година, минатата година не се изврши порибување на Охридското Езеро

А1он

Истекува рокот за УНЕСКО, наместо уривање на платформите – се слави Нова година

Кристијан Ландов

Заев: Нема попуштање во процесот на уривањето на дивоградбите во Охридскиот регион

Татјана Ташкова

Предлог-законот за легализација на дивоградби пред членките на ССК

Ана Ололовска

Легализација на дивоградби во Охридскиот регион ако не се спротивни на препораките од УНЕСКО

Ана Ололовска

Легализација на дивоградби со плаќање казна, за инфраструктурните 10 евра по метар квадратен

Ана Ололовска