Обединетата десница најави дека по вчерашната интерпелација станува се појасно дека се чекор поблиску кон приклучување кон опозицискиот фронт и кон учество на големиот митинг закажан за 28-ми октомври во Скопје.
Претседателот на ВМРО-Народна, Љубчо Георгиевски, кажа дека се радува што владата ја добила довербата зашто сака да гледа како ќе излезе од кашата што ВМРО-ДПМНЕ и ДУИ сами ја направиле.
Тој кажа дека ова е прва влада која го злоупотребува спорот зо името.
„Тој проблем е 20 години стар, ама ниедна политичка партија претходно не правела кампања кој го продава името, а кој го брани“, изјави Љубчо Георгиевски.
Вториот момент според него е антиквизацијата, а третиот злоупотребата на мултиетничките односи.