„Почитувани граѓани, локалната власт во заминување остави остава длабоки последици во нашата општина предизвикани од нејзиното неодговорно и расипничко однесување. Ваквиот пристап предизвика негативни последици и за културата и културното наследство.
Сето она што во минатото претставуваше културен симбол за Гази Баба, денес е заборавено и запоставено.
Ние се обврзавме дека ќе работиме во интерес на граѓаните и во подобрување на квалитетот на живот.
Ќе се грижиме и за напредокот на културата и заштита на културното наследство како симбол и одлика на нашата општина.
Идната локална власт целосно ќе го обнови и повторно ќе го стави во функција Домот на културата 11 ти октомври кој што како што и сами забележувате е целосно руиниран.
Ќе го вратиме на граѓаните домот на културата кој претставуваше еден белег на нашата општина во минатото.
Ќе ги обновиме и направиме повторно функционални и Домот на културата Димитар Влахов во Автокоманда и оние во Маџари и Трубарево како и домот на потегот Колонија-Идризово.
Граѓаните на Гази Баба заслужуваат да имаат места со кои ќе се гордеат.
Заслужуваат места за културно – уметнички манифестации и општествен напредок на своите деца.
Почитувани, јас и мојот тим се обврзуваме дека ќе го штитиме и унапредуваме нашето културно наследство.
Културата нема да не дели, туку ќе обединува.
Ќе работиме по план и ќе создадеме модерна, современа и напредна општина“, изјави Борис Георгиевски, кандидат за градоначалник на Општина Гази Баба.