Извештајот на Прибе е прилично остар, но е одличен, особено неговиот предлог кривично да се гонат судиите кои имаат сторено кривични дела, смета универзитетскиот професор Љубомир Фрчкоски.
Според него, овој извештај е основа за спроведување на реформите во правосудството кои веќе се подготвуваат.
– После ова некои судии мислам дека кривично ќе бидат гонети и судени што е одличен поттик. Локацијата на блокадите е во закрчените инстиуции на правосудството, мора политички удар врз нив.
– Тоа значи нов закон, да ги смените, тој тромб во крвотокот на судството, мала група, десетина, петнаесет судии, за да може правдата да биде доделена, вели Фрчкоски.