Специјалните јавни обвинителки Фатиме Фетаи и Ленче Ристовска, по завршувањето на седниците во Врховниот суд, изјавија дека од двата приговори поднесени за замрзнувањето на имотот на ВМРО-ДПМНЕ, и спогодбата на Звонко Костовски од УБК за случајот „Пуч“, бил разгледан само вториот, додека барањето за заштита на законитоста за случајот „Талир“, за кој двапати бараа замрзнување на имотот на опозициската партија, поради технички причини е одложен за понеделник.
Обвинителката Фетаи изјави дека во случајот со спогодбата на Звонко Костовски не постои кривично дело шпионажа, за кое тој е осуден. Фетаи рече дека не може некој да биде осуден за кражба, а да не се биде наведен ниту кој е предметот, ниту кому му припаѓа.
Барањето за заштита на законитоста СЈО го поднесе со образложение дека не може да издржува казна шестообвинет во предметот, кој е осуден како помагач на делото, а притоа да не одговараат наводните извршители, кои со повлекувањето на обвинението за „Пуч“, повеќе не се гонат кривично. Освен тоа, СЈО побара равизија на пресудата поради, како што наведуваат, контрадикторните факти во случаите „Пуч“ и „Таргет“.
На новинарско прашање за поднесените 17 обвиненија од СЈО, обвинителката Ристовска изјави дека до денеска немаат информација дали се прифатени.