Неколку стотици граѓани во редици чекаат пред пунктот во полициската станица „Пролет“ во Скопје за да извадат лични документи, иако пунктот официјално ќе почне со работа од утре.
Од МВР за „А1он“ велат дека пунктот во експериментална фаза и дека ќе биде промовиран утре, но граѓаните кои чекаат во редиците веќе втор ден вадат документи.
– Работи од вчера, но втор ден има огромна гужва. Утрово дојдов и чекам околу два часа за да извадам пасош со новата придавка, а не сум завршил работа. Но, имавме закажани термини за април следната година па решивме да се обидеме да извадиме пасоши побрзо – рече еден од граѓаните кои чекаа во редицата.
Пунктот е наменет за сите граѓани кои немаат закажано термин за вадење на лична карта, возачка дозвола или пасош или пак терминот им е после 12 февруари наредната година.
До тогаш е крајниот да се заменат сите лични документи како дел од обврските кои доаѓаат со Преспанскиот договор со кој Македонија го смени името во Северна Македонија.
