(ВИДЕО) Димовски: Следува комплициран избор на антикорупциска комисија

Од:

Конкурсот за избор на членови на Антикорупциската комисија објавен во октомври денеска беше поништен за да може да се објави нов оглас согласно новодонесениот закон за спречување корупција и судир на интереси. Претседателот на Комисијата за избори и именувања Илија Димовски рече дека со новиот закон ќе биде покомплициран изборот на антикорупционерите.

-Новата процедура за избор на членови ќе биде покомплицирана, затоа што ќе треба да имаме јасно пропишани критериуми од страна на претседателот на Собранието и јасно пропишани рокови кои заради одржување на претседателските избори ќе бидат прилично стеснети. Ќе треба оваа наша Комисија за избори и именувања да состави комисија за селекција која ќе биде составена од седум члена – двајца од власта, двајца од опозицијата, двајца претствнници од телата за соработка помеѓу Владата со здруженија и со фондациите и со граѓанскиот сектор и еден по предлог на Народниот правобранител, рече Димовски.

Димовски додаде дека прв пат се предвидуваат јавни интервјуа со претставници од МАНУ, од Интерпарламнетарна унија, здруженија на граѓани кои ќе се пријават да бидат дел од процесот на јавни интервјуа со интервјуирање на пријавени кандидати на огласот.

На поништениот оглас биле пријавени 39 кандидати за членови во Антикорупциска, а новиот оглас треба да го објави претседателот на Собранието, по објавувањето на Законот во Службен весник.

Галена Николовска-Ризвановиќ

Би можело да ве интересира

На 29 јули интерпелација за републичкиот јавен обвинител – Љупчо Коцевски

А1он

Пратениците дебатираат за ребалансот на Буџетот за 2025 година

Утре на пленарна седница ќе биде дополнетиот ребаланс на Буџетот за 2025 година

Собранието ќе одлучува за дополнетиот ребаланс на Буџетот одобрен од Владата

Мицевски: Владата има луѓе, има механизација сега и се справува со сите можни и неможни позиции коишто ги има

Левица: Африм Гаши, уценет од ВМРО-ДПМНЕ, илегално ја поништи закажаната Надзорна расправа за Кочани