Одзивот на гласачите до 18.30 часот во првиот круг од претседателските избори изнесува 48,46 проценти соопшти Државната изборна комисија.
Најголем одзив е забележан во општината Новаци од 71,07 отсто, а најмал во општина Центар Жупа од 16,90) проценти.
Овие податоци се од 3174 изборни места, а од вкупно 1.653.023 гласачи гласале 801.074 гласачи или 48,46 проценти.
– Во текот на денот гласањето беше мирно и без поголеми инциденти на гласачите места. Уважени се 134 приговори кои се усвоени и после нив е овозможено избирачко право на гласачите. Ќе се продолжи гласањето во едно место во Демир Хисар, едно место во Делчево и едно место во Могила, еден час колку што имаше прекин- соопшти на прес-конференција Даштевски.
Овие избори ги надгледуваат 950 домашни и 540 меѓународни набљудувачи и 58 странски новинари. За денешните претседателски избори во Избирачкиот список се запишани 1.814.317 граѓани.