Детските градинки „Детска радост” во Струмица денеска добија нови играчки во вредност од 250 илјади денари.
Во пресрет на големиот христијански празник Раѓањето на Исус Христос-Божик, денеска градоначалникот Зоран Заев подари нови играчки за градинките.
– Грижата за најмалите е наша главна и примарна задача. Нивното здравје и едукација се инвестиција во нашата иднина.
– Со нашата денешна донација, реализираме уште една ставка од општинскиот буџет за 2012 година, во вкупна вредност од 250 илјади денари, рече Заев.
Директорката на „Детска радост”, Тинка Марковска ја истакна успешната соработка со локалната самоуправа во создавањето оптимални услови во детските градинки, каде се сместени над 800 дечиња од најмала до предшколска возраст.