(ВИДЕО) Десетина лица клоцаат дете од Кочани, тоа плаче и моли за престанат – поднесена кривична

Од:

Откако десетина лица со клоци претепаа малолетно дете во Кочани, полицијата поднесе кривична пријава за насилство. На снимката која беше споделувана на социјалните мрежи се слуша како по силните удари кои ги добива од лицата кои го опколиле, детето лелека и моли да престанат со малтретирањето. Досега, идентификувани се девет лица од насилниците.

„ОВР Кочани ја известува јавноста дека во координација со ОЈО Кочани ќе биде поднесена кривична пријава за кривично дело ‘насилство врз дете’, а идентификувани се девет лица, со кои е извршен службен разговор и по документирање на случајот ќе биде поднесена кривична пријава. По преземени мерки утврдено е дека настанот се случил на 11.04.2021 околу 20 часот во Кочани. ОВР Кочани презема мерки и за расчистување на останатите инциденти кои следеле во текот на вечерта. Во координација со ОЈО Кочани до сега се приведени А.Н., Н.Н. и А.В., а извршен е службен разговор со 20 лица“, велат од МВР.

По целосно расчистување и документирање на настаните, случајот ќе биде предаден на понатамошно постапување во Обвинителството.

Реакција за претепувањето на детето од Кочани има и од Здружението на правници Роми.

Би можело да ве интересира

МВР: Се истепале вработени во здравствена установа во Скопје

Момче од Кочани било измамено за 950 евра

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ