(ВИДЕО) Царовска: Во 2019 во Штип ќе заврши изградбата на нова градинка со капацитет од 200 деца

Од:

Се грижиме за сите граѓани на Македонија и продолжуваме да градиме фер општество во кое секој е важен, изјави министерката за труд и социјална политика, Мила Царовска. Во собраниска процедура се пакет закони со кои граѓаните ќе ги извлекуваме од сиромаштија и очекувам пратениците наскоро да ги изгласаат, порача Царовска пред многубројните граѓани, кои беа дел од трибината „Фер општество – шанса за сите“, која се одржува во Мултимедијалниот центар „Киро Глигоров“ во Општина Штип.

„За Штип има добра вест, во 2019 ќе заврши изградбата на нова градинка со капацитет од 200 деца, со што ќе се затвори проблемот со недостиг на места за згрижување на деца,“ порача Царовска на трибината, додавајќи дека во наредниот период и инвестициски и капацитетно ќе се градат градинките.

Потенцирајќи дека детската сиромаштија е прескапа за земја како нашата и затоа детски и образовен додаток ќе земаат сите деца кои имаат потреба од тоа, за да создадат услови сите деца да имаат редовно образование и да бидат еднакви. Место сегашните 3.200, детски додаток со реформата ќе земаат 73.500 деца, а образовниот го прошируваме за над 64.000 деца место сегашните 3.800.

Царовска подвлече дека кога зборуваме за праведно општество, треба целосно да ја вратиме и социјалната правда во нашата земја.

„Трансферираме пари во социјалните семејствата но и ќе работиме истите да се вратат на пазарот на труд. Новиот концепт е висок минимален гарантиран приход но и брза активација на пазарот на труд на лицата од социјален ризик“, додаде Царовска.

„Во Штип којшто е текстилен град работниците земаа плата која е под нивото на минималната плата. Ние ја зголемивме минималната плата која сега изнесува 12,126 денари со тоа ја отворивме спиралата на раст на плати и просечната плата порасна за 5,6 проценти”, рече Царовска.

Царовска додаде дека е исполнето и долгогодишното барање на рударите да одат во пензија со бенефициран стаж.

Рударите ќе одат во пензија со 40 години стаж за мажи и 35 години стаж за жени. Досега, благодарение на овие законски измени околу 50 рудари ќе заминат во пензија порано, користејќи го бенефицираниот стаж, со што и се обновува работната сила во рударството.

Осврнувајќи се на гаранцијата за млади, Царовска објасни дека „за да можеме да ја намалиме невработеноста на младите на возраст од 19 до 25 години во Оперативниот план и минатата година и годинава се спроведува младинската гаранција, што не прави единствена држава што не е во ЕУ, а ја имплементира. Се враќа довербата помеѓу Агенцијата за вработување и младите луѓе“, рече Царовска во своето обраќање додавајќи дека очекува вклучување и од бизнис заедницата.

Би можело да ве интересира

Од понеделник Инспекторатот ќе изрекува забрани за прием на невакцинирани деца во градинките

Орце Костов

„Министерката ми се закани дека ќе ме избрка“: Советничка во МОН била вознемирувана од Шаќири и Царовска

Орце Костов

Негувателка во Радишани тепала тригодишно дете, од насилството го загубило говорот

Орце Костов

Нема салмонела кај мострите од лицата и површините во беровската градинка што ги испитуваше Центарот за јавно здравје – Кочани

Пекевски: Се чекаат резултати по информацијата за појава на салмонела во детската градинка во Берово

Левица:Историчарите ги бојкотираат учебниците по концепција на Царовска