Веруваме во правна држава и владеење на правото, а не на волјата на поединците. Веруваме во традицијата и верата, во праведноста, семејството и семејните вредности, рече Петар Богојески на денешната прослава по повод 23 Октомври, Денот на ВМРО, организирана од поддржувачите на иницијативата за реформи во ВМРО-ДПМНЕ.
– Веруваме во модерна македонска нација. Веруваме во пазарното стопанство и приватната сопственост и наважно, остануваме посветени на антикомунизмот и на нашата борба за демократија и слобода, рече Богојески.
Тој напомена дека иницијаторите за реформи станале обединети во име на слободата и солидарноста и дека се кренале за слобода на говорот и мислата на индивидуалните права, каде што личниот интегритет и професионалност ќе бидат вистинските вредности.
Богојески рече дека организацијата е создадена за да служи на народот, а не на еден човек.
