Кандидатот за градоначалник на општина Центар Саша Богдановиќ, денеска имаше средба со претставниците на медиумите. Ги слушна нивните предлози за транспарентно работење и вети отвореност и отчетност.
– Во изминативе четири и пол години како директор на ПОЦ имав добра соработка со медиумите, таквиот начин на работење ќе го продолжам и како градоначалник. Новинарите се коректив на работата на политичарите и со претставниците на медиумите најавувам редовна средба еднаш месечно, рече Богдановиќ.
Тој исто така информираше дека од денеска почнува акција за почист и позелен Центар и дека сите жители на Центар можат да се јават на www.zacentar.mk за да им биде доставено борче за да го засадат во своите дворови.
Една од првите мерки на новата општинска власт, вети Богдановиќ е мораториум на сите градби, додека не се испита законитоста во носењето на Деталните урбанистички планови. ДУП-овите посочи ќе се носат заедно и во интерес на граѓаните.